يانور هذي الحياه انتم ترا عندي
اغلى الوجود وجمال ارواحكم يسعِد
فيكم حياتي تهنى بشوفكم سعدي
عبدالله اول سعادة والغلا محمد
وفيني تفيض المشاعر ماحدٍ قدّي
باثنين فرحة عيوني والقلب يشهد
يوم استهل البدايه وانتثر وردي
عبدالله اجمل شعور اتْسَيَّد المشهد
وتسعة سنينٍ توالت والهنا حَدّي
ثم انبلج صبح ثاني بنوره الممتد
حمودي فرحة وزهرٍ عاطر امْنَدّي
من بعد مدّه طويله جاني محمد
والحمدلله ويكثر في المدى حَمدي
يوم أبتهِج في وجود احبابي وأسعَد
وفي كل لحظة سعادة ترتفع يَدّي
دعوات قلب ام عبودي للعُلا تصعد