غني ياليل الشعر بكل الالحان
اطرق طواريقٍ تبدّع لي فيها
الشعر له معنى وقيمة وميزان
وانا اصب الفكر وابقرا عليها
يمه ولدك ومسندك طير حوران
وجعلي فدا رجلينها مع يديها
يمه سلمتي يابعد كل انسان
كل القوافي تنتظم لك واجيها
غلاك يمة فايقٍ شعر ولسان
الجنه انتي وانتي بابي عليها
ومبروك يمة يا غلا وكل الاوطان
وعسى الفرح دايم يباري عينيها
اكتب لها شعري ولاني بغلطان
ويزين لي بدع الفكر وانتقيها
ابدا ( ببشرى) اختي العز عنوان
تشبه سحابة خير منها وفيها
و(بيان) لا قلت الوفا نبع الاحسان
كل القوافي تنطرب وتْهَدِيها
(بشرى) اختي وصفها الطيب برهان
تمد مدات الوفا وما عليها
و(بيان) حرفي لو تجلى ولو بان
و حتى حروف الذهب ما تفيها
و(ام علي) تغلى على كل الاثمان
وكل الوصايف عندها في يديها
مبروك يا (ام علي) وكل الاوطان
وعسى الفرح دايم يباري عينيها