سلام ياكف الندى نسل الابطال
يالي بعادات الوفاء لك عوايد
يابو( حميّد مسعد) ياذرب الافعال
بالمال ماتحسب حساب الفوايد
وافي (يابن مساعد) في راس ماطال
بين الرجال وشاهدين الشهايد
ياكاسب الناموس وفعولن جزال
يفداك اللي يرتاع وقت الشدايد
الي يحسب العمر دينار وريال
جعله فداك وعيشته بالزهايد
المدح يزهابك والابيات تختال
والحر مثلك يستحق القصايد
لك رايتن بيضاء على روس الاقداد
تشوفها بالعين كل البدايد
رد الثناء يمناك تبديه بالحال
دايم على العليا تعشق الفرايد
لاجاك من حده زمانه على الجال
يبشر بعزه لو غدا الحمل كايد
مامال (ابوحميّد)وكان الدهر مال
السور ثابت والجرايد جرايد