الفَخَر هاليوم ماله بفرحتنا حدود
يوم تخريج (زايد) والفرح به يزود
الف مبروك يا (زايد) ميات وْالوف
والتخرج خذيته عقب صبر وْجهود
ياللي في (الثانويه العسكريه) خذيت
الشهاده وْعلومن ترقا فيها سنود
يمهل الله ونشوفك فوق باعلى مقام
(ضابطْ بالعسكريه) بفعل وبصمة وجود
حزت (يا زايد الحمداني) كل الفخَر
وبالعزيمه القويه وافيٍ بالوعود
بالتفوق سطع نجمك ما بين النجوم
دوم بين الاوايل فالصداره ترود
اشهد انك رفعت بروسنا للسما
وْفيك نفخر وبانجازك فخَرنا يسود
يا ولد( خالد) اللي له مقامن رفيع
شيخ عزن وجاه وْراعي فزعه وجود
وامك اليوم تفخر فيك وْتفرح اكيد
الاصيله العريبه بالنسب والجدود
واحتزم في اخوك العود (سيف) وِنعِم
محزمك فالصعايب والفعايل شهود
وْمن (خليفه وْحمد) جتك التهاني جزال
باركوا من غلاهم لك بقول وورود
ال (حمدان) ربعك من زحول الرجال
عزوتن مجدها شامخ بكل البدود
والخوال (الجنيبي) هالشيوخ الكرام
لابتن فالمواقف يكسرون الضدود
والخَتِم يا عسى التوفيق فالك دوام
والله ايديم الافراح وْعساها تزود