بمدح وابارك وافتخر وأرجع ازيد
ولا ظِن في الدعوة مشاريه وعتب
(ريس الرقبا) (خالد) وذا علمٍ وكيد
مبروك يالضرغام فكاك النشب
ياراعي الوقفات يالراي السديد
يافزعة اللي من عنا وقته تعب
فالطيب ماتعْرف قريبٍ او بعيد
كلن وهبته يوم ربي لك وهب
افاخر بطيبك واماري به واشيد
مجدٍ نفاخر به على روس العرب
ياطيّب الافعال والخلق الحميد
ياطيب راسك ثم ياطيب النسب
وان عوّدَت للروس يالراس العنيد
والله ماعندك ولا فاطلق شنب
وان لان عزم الغير عزمك من حديد
تقدم على الصعبات والمعدن ذهب
والله مهما قلت فيك امن القصيد
لايمكن اوفي حق من قال السرب
وختامها مبروك يالعقل الرشيد
وانتَ رئيس المرجلة قبل الرتب