هلت صدق السعد واحلى التباشير
مبروك (ياميمون ) فرحة سعيدة
مبروك لك والله يتمم على خير
يسعدك ربي بالحياة الرغيدة
يالمعرس الي لك حروف التعابير
غنت وقاف السعد ينشد نشيده
(ميمون) يانسل الرجال المناعير
رمز المراجل والفعول الرشيدة
يالناهي الي ماتحسب المخاسير
بالجود كفك والعطايا مديده
في شهر ( ديسمبر) ترى فرحتك غير
الله يهنيك بالحياة الجديدة
يانسل شيخٍ له معزة وتقدير
(عايض وعايض) فرحتك يوم عيده
قرم ٍوفعوله وافيه دون تقصير
والطيب شيد به قصور مشيده
من روس قومٍ اهل عزة وتعمير
واهل المواقف العصية الشديدة
لابة (مطير ) الصاملين المغاوير
يشهد لهم بأتلى السنين التليدة
بين القبايل بالطناخة مشاهير
والي نصاهم يبشر بمايرديه
مبروك يا (ميمون) باحلى التعابير
واقولها واختم بيوت القصيدة