بالهُون يا خَطْو العروس
يانظرة الطرف النعوس
يافرحةٍ تملا النفوس
(تركيه) يا نور القمر
يانسمة العمر اللطيف
ياضحكة القلب الظريف
وصف المحاسن بك كليف
يا اغلى المشاعر والشعر
ولك ياحبيبة امها
عذب المشاعر كلها
(صالحه) بليلة فرحها
دعواتها لك تِنْذِخر
انتي غلاها والعمر
جميلةٍ تسوى البشر
حبيبة القلب وتِسرّ
وابهى تصاوير الزهر
واخوانك اللي كلهم
انتي بوسط قلوبهم
قدرك رفيعٍ عندهم
عزّك على طول الدهر
بنت (العتيبي) باهية
يا ابنة (مرزوق) يالغالية
الليلة هذي زاهية
في جوّها نفح العطر
يالجوهرة بنت المحال
يستاهلك عذب الخصال
(عبدالله) لها خير الرجال
حافظ عليها وافتخر
مبروك يا الوجه الجميل
والخلق والحسن الاصيل
جعل السعادة ما تميل
تبقى على طول العمر