يا فتنة القلب الطهور
ياعابقه باجمل عطور
طلي علينا بالسرور
ياناعمة خد وجبين
قمرا ضوَت بين النجوم
ونور البدر لامايدوم
تنوّر سمانا كل يوم
يعجب سناها كل عين
كل المشاعر زفتك
ياباذخه في ليلتك
(غدير) هناها فرحتك
يافرحة العمر الثمين
فاح الزهر من حسنها
والعطر يخجل منها
طلت علينا كانها
اورْكِيدِةٍ أو ياسمين
بنت الاصاله والنعم
ورمز الشهامة والكرم
الطيّب الوافي الشهم
يانعم والله اليمين
سمر وفيها من امها
واحلى القصايد باسمها
وكل الاصالة يمها
جميله بنت الطيبين
واخوانها نعم الرجال
بالطيب وحسان الخصال
يزن وسامر والمثال
يضرب بهم نعم الثنين
وثامر وعامر طيبهم
عز ومراجل كلهم
وسامي الوفي صغيرهم
بسما المعزه معتلين
واخواتها شبه الزهور
والزين فيهم مايبور
كل الحلا فيهم جهور
رحمة وريتاج الزهرتين
سمر هَنيّه نالها
عينه تشوف خصالها
وشهمٍ لها يحلا لها
يهناك يالدر الثمين