ياسلام الله على ربعٍ لهم بيض الفعايل
الرجال اللي لهم في كل ميقافٍ مطيه
الحبيجان الرجال الساطيه والشك زايل
والكرم ميدانهم والطيب همّال برديّه
كل منهم وافي وشهمٍ رقى روس الطوايل
والطوال الكايده في عرفهم ماهي عصيه
مثل ابوفيصل شديد الباس عزالله قلايل
ومثل ابومشاري عظيم القدر والهيبه جليّه
والا ابوماجد سليل الطيب حمال الثقايل
وابوبدْر الوافي وكل المكارم فيه حيه
وابومحمد راعي الوقفات عنوان الفضايل
نادرٍ تلقى رجالٍ مثلهم بين البريه
ناسٍ ليامن تجلّى الطيب لك جتْك الدلايل
حافرين لمجدهم تاريخ باليمنى النديه
وناسٍ بكل المواقف ضاربين ازكى الفعايل
والشدايد دايمًا فيها فعايلهم زكيه
عزوةٍ فيها مزار الطيب ورجال الصمايل
الحبيجان المعاني في وفاهم حاتميه