هتان ياروح امك ونسمة رضاي
ياعمري اللي لاجلك ارخصته عليك
يا اول سعاداتي ويانفحة دفاي
يابسمتي اللي دايمًا منّك وفيك
معاك بأبقى وأنت في قلبي معاي
ريهام لعيونك من اقصاها تجيك
يا الفرحه الاولى وطلّيت بسماي
فيك اشرقت دنياي بالضحكات ذيك
عشانك اتحمّل ولا يقصر عطاي
واشوف عينك ضاحكه دايم ابيك
يااكبر من احلامي ويافرحة مُناي
جعل السعادة دايم وهي تكستيك
يارب تحفظ لي صغيرٍ هو غلاي
وتكبر واشوف افراح عمرك تعتليك