رجلٍ بفعل الخير يمناه نوماس
يجهل جزاها خابر الطيب والخير
الي على كفه حمل حاجة الناس
صعبٍ جزاه الوافي بوقت تعسير
ابو حمد فخر البنيخي قوي ساس
محمد الي ماسمع عنه تقصير
ابن الربيعان الذي يرفع الراس
ذكره عظيم بمنطق صغير وكبير
يوم انطوت صفحة ولا هي بمقياس
قدرك ماهو بعد التقاعد يجي غير
فخرٍ لأهل شيحية الطيب وأنفاس
في كربة المضيوم نفحة وتيسير
مبروك تسجعها بناتك على الناس
يا أغلى بشر يمشي على الأرض ويسير
ذربات يسوون بالأدب عقد وألماس
وعلى النقا والطيب ربيتهن خير
انت الفخر لعيالهن حر قرناس
ويبقى الفخر قدامهن منبع الخير
وابنك حمد من منبعك يا ابيض الساس
مروي كرم نشمي خذا منك تقرير
وربعك سبيع الي على كل مجلاس
يذكر لهم فيها عزوم وتباشير
وخوالكم حرب الشديدين بالباس
ال النحيت الطيب ورد ومصادير