ياصباحٍ مشرقٍ بأجمل وصول
ومن سنينٍ كم تمنينا ضياه
اشرقت شمسه كما طرفٍ خجول
تنعش اوصافه تفاصيل الحياه
اقبلت ايلين وليندا بعد طول
انتظار سنين جانا مُنتهاه
ياجمال الخَلق في عِدَّة فصول
الحلا والزين من ربي عطاه
والفرح عمّ وترانيمه تقول
ياهنا الايام يالقلب وهناه
توأمٍ يشبه هماليل الهطول
عذبٍ اسقانا من الفرحه حياه
الربيع اسدل على ورده سدول
من حلا ايلين يخجل من حلاه
وياجمالٍ في وجه ليندا يقول
ماحدٍ في حسنها يقطر شذاه
نوف وصنوف التهاني لك تطول
جبتي اقمار الهنا تنوّر سماه
لعلي قلبٍ سعوده ماتزول
دايمًا تشرق شموسه في سماه
والسعاده ما لطلّتها أُفول
يحفظ الوردات ياربي عساه