هلا بالقمر يومه ضوانا
ونوَّر بدنيتنا مسانا
سديم الحلا جيتي اميره
تزف البشاير في سمانا
اميره ياحلوتنا الصغيره
بوجودك سعادتنا كبيره
سقيتي المشاعر كل فرحه
وكل المشاعر لك اسيره
وفاء امك بلمسة يديها
وكل الاماني تعتليها
يااجمل بشاره تحتضنها
وكل الحلا والزين فيها
بقلبٍ هنيِّك في حنانه
وانتي به اروع من جمانه
تعيشين عمرك في حضونه
ويهناك عمرٍ في جنانه
ونواف تَغْمُرْه السعاده
بجيَّتْك يانبضة فؤاده
ابوك وسند عمرك وقلبك
وبسمتْك بالافراح زاده
عسى الله يحفظ لي حياتي
وعمري ووردة امنياتي
سديم الهنا طفله رقيقه
وروحي ودنياي وغناتي