جُون يااجمل حكايه نبتدي فيها
يابسمة القلب وزهره وأجمل جنانه
ياحلوةٍ من لطافتها نراعيها
والزهر يملا خدودك باجمل الوانه
بنوتةٍ من جمال الخُلق نغليها
واميره لقلب ابوها تبعد احزانه
بنت عبدالله اللي منها وفيها
نبعٍ سقاها الكرم معروف باحسانه
وجُون أميره بريئه الزين ماليها
ومن ملاك الحِسِن ورثتي ميزانه
ورقيقةٍ تملك قلوبٍ حواليها
مطيعةٍ تهدي البسمات فرحانه
حنونةٍ تمسح بلطفٍ من ايديها
الكل يغلي حنان القلب وتحنانه
اخت الرجال وسندها واقرب اليها
باخوانها ترفع الراس وتعز شانه
تستاهل الحب والاشعار نهديها
ونصوغها باحسن الاوزان والحانه