فوزيه العيسى لك القلب منزال
من ام وهاد التهنئه يالجميله
فوزيه اللي خرّجت عِدة اجيال
تستاهل الابيات عذبه جزيله
مرت سنين اعطت بها وزادت امال
جيل وبعد جيل الشواهد جليله
وهذا التقاعد شاهد بزين الافعال
وانتي تشيلين الحمول الثقيله
ماتوفي بقدرك كثيرات الاقوال
ولاتوفي الابيات غيمه هطيله
وعلي سعيد اللي على الطيب خيّال
منّه ورثتي كل طيب وفضيله
واخوانك اللي من حوالينك رجال
بوقت اللوازم والعزايم اصيله
للجهد والانجاز كم للفخر جال
تستاهل ام ايثار عذب الحصيله